Smørhamn Handelsstad
Det er eit privilegium å kunne feriere på ein stad som Smørhamn. Her finn ein ro og fred, samt at ein kan ande inn historia som sit i veggane. På Smørhamn Handelsstad har det vore drive handel og gjestgjevarveksemd i uminnelege tider.
Det er i 2022 100 år sidan Karl Vadøy kjøpte Smørhamn. Og no er det Kari og Knut Arne Vadøy som driv utleige på handelsstaden. Nærare det gamle sjøhusmiljøet er det vanskeleg å komme. Leilegheitene var ferdige i 2005, og ligg i den eine bua. Vil du samle familien, eller vener/ kollegaer, er det plass til felles samling på «Nothengja». Vil du ha eit ramsalt selskap, er det plass til ca. 80 på den andre bua.
I Smørhamn er du bokstaveleg tala midt i smørauge. Med Frøysjøen rett utanfor, lune viker og holmar lenger inne, kan du fiske i mest all slag ver. Naturen rund Smørhamn Handelsstad er og eit kapittel for seg. Husa ligg lunt til innforbi øyar og skjer, men du kan ta turen til fots utover øya og oppleve storbåra i styggever, eller oppdage nye ting i fjøresteinane. Villsauen har beite her ute og om du vil, er den av det godlynna slaget, og du kan godt helse på.
Opplevingar i området
- Hjortegarden
- Nordway Adventures
- Carolas Buaspa & sol
- Klatreparken
- Knutholmen
- Havly / Iglandsvik
- Farmen
- Svelgen Hotell
- Vetenhytta
- Dosabu
- Grotlesanden / Vedtvika / Hornelen